11.10.2021-ci il tarixində Kəlbəcər rayon Mərkəzləşdirilmiş Kitabxana Sisteminin Hacikənd  kənd kitabxana  filialının  işçiləri  44  günlük  Vətən  Müharibəsində qəhrəmanlıq  göstərərək  şəhidlik  zirvəsinə  ucalan Allahverənov Məhəmməd Zöhrab oğlunun ailəsi  ilə “Şəhidlər bizim qürur yerimiz  və  fəxrimizdir”  adlı  görüş keçirlmişdir.

   Görüşdə  torpaqlarımızın  azadlığı  uğrunda canlarından keçən qəhrəmanlarımızın  ruhu bir dəqiqəlik  sükutla  yad edildi. Tədbiri giriş sözü ilə  Hacikənd  kənd kitabxana filialının  müdiri  İsgəndərov  Nəvai     açaraq  bildirdi ki, həyat nə qədər şirin olsa da, ölüm heç bir insan övladının qaça bilməyəcəyi tale yazısıdır. Amma Allah qatında seçilmiş elə insanlar var ki, onlar ölmür, cismən bu dünyanı tərk edib, ruhən Yaradana - əbədiyyətə qovuşurlar. Ölümlərin ən şərəflisi də deyirlər buna. Bu, müqəddəs şəhidlik zirvəsidir ki, hər kəsə qismət olmaz. Şəhidlik zirvəsinə ucalmaqla ölümsüzləşdilər. Vətən uğrunda mübarizə aparmış belə öyünüləsi, fəxr ediləsi qəhrəmanlarımız minlərlədir. Hər birinin döyüş yolu bir əfsanə, bir dastan, bir tarix  olmasından danışdı.

  Görüşdə  şəhidin  atası  oğlu  Allahverənov  Məhəmmədin   27 sentyabr  2020-ci il tarixində  II Qarabağ  müharibəsinə  könüllü olaraq  qatılmasından, Talış və Suqovuşan rayonlarının  azad olunması uğrunda gedən döyüşlərdə qəhramanlıq  göstərərək 07.10.2020-ci ildə şəhidlik zirvəsinə ucalmasından danışdı. 19.10.2020-ci il tarixində Bərdə rayonu Çəmənli kəndində dəfn olunmuşdur.

Görüşün sonunda şəhidin məzarı ziyarət olundu.

Ölümündən  sonra  Azərbaycan  Respublikasının  Prezidenti  cənab  İlham Əliyevin  müvafiq sərəncamı ilə  “Vətən uğrunda” və “Suqovuşanın  azad olunmasına görə”  medalları  ilə  təltif  edilib.

Allah bütün şəhidlərimizə rəhmət eləsin